Ապրիլի 6-ին մենք գնացինք Հովհաննես Թումանյանի թանգարան։ Թանգարան մտնելիս մենք հաշվեցինք աստիճաները որոնք 54 հատ էին։ Ես շատ եմ սիրել Հովհաննես Թումանյանին և իր բանաստեղծությունները, հեքիաթները, բալադները և քառյակները։
Ճամփորդության ընթացքում ընկերներիս հետ վարեցի հարցրազրյույց ՝
Հովհաննես Թումանյանի թանգարանի ճամփորդության վերաբերյալ հարցազրույց։
Թանգարանի աշխատակիցները մեզ հերթով պատմեցին այդտեղ պահվող իրերի մասին: Մենք իմացանք, որ այս թանգարանում գտնվում է Թումանյանի Թիֆլիսի տան նմուշը։ Հետագայում Թումանյանի ընտանիքի, դուստրերի շնորհիվ բանաստեղծի Թիֆլիսյան բնակարանի գույքը, անձնական գրադարանը և այլ իրեր տեղափոխվել են թանգարան: Այդպիսով թանգարանը ամբողջությամբ նմանվել է նրա տանը: Մենք նաև հնարավորություն ունեցանք տեսնել Հովհաննես թումանյանի հոլոգրաֆիկ պատկերը, որը նման էր իրականի։ Ես շատ ուրախացա, որ տեսա նա այդ ժամանակ թերթ է կարդում, քայլում և բարևում մեզ։ Նա ունեցել է 10 հազար գիրք: Թանգարանում պահվում է նրա 8000 գիրքը: Նա չի սիրել գիրք նվիրել, որովհետև նրա գրքերը ետ չեն վերադարձրել: Այդպես անհետացել են նրա 2000 գիրքը: Նույնիսկ աշխատասենյակում պատին գրած է եղել՝ « Խնդրում եմ չծխել և գիրք չխնդրել»: Անգամ պահարանն է է ծածկել, որ գրքերը չերևան:
Հետո տեսանք Թումանյանենց ճաշասենյակը: Սեղան, աթոռներ, որոնց մեջ մեկը տարբերվում էր: Դա Թումանյանի աթոռն էր և խնջույքների ժամանակ նա այդ աթոռը զիջում էր միայն իր ամենամտերիմ ընկերոջը՝ Ղազարոս Աղայանին, ուրիշ ոչ ոքի: Խնջույքներ նրա տանը շատ հաճախ են եղել և մենք իմացանք, որ այդ խնջույքների ժամանակ նա իր երեխաներին հրավիրել է նստելու ու լսելու իրենց քննարկումները:
Մենք թանգարանում տեսանք նաև Թումանյանի 10 երեխաների նկարները։ Նա ուներ 4 տղա և 6 աղջիկ։ Տղաների անուները ՝ Արեգ, Արտավազդ, Համլիկ, Մուշեղ։ Աղջիկների անուները ՝ Աշխեն, Արփիկ, Թամար, Սեդա, Անուշ, Նվարդ։
Նախագծի շրջանակներում ուսումնասիրել ենք Հ. Թումանյանի կյանքն ու ստեղծագործությունները: Կազմել ու լուծել են մաթեմատիկական խաչբառ, որի ծածկագիրը կամ պատասխանը Հ. Թումանյանի որևէ հեքիաթի վերնագիրն էր: Կազմել ու լուծել են նաև Հ. Թումանյանի հեքիաթների հիման վրա կազմված խնդիրներ:
Խաչբառ և Թումանյանական խնդիրներ
Նախագծի շրջանակներում դիտեցինք նաև նրա կյանքն ու գործունեությունը նկարագրող ֆիլմ։
Թանգարանային շրջայցից տպավորված իրականացրեցինք քաղաքային ընթերցումներ։ Ընթերցեցին Հ․ Թումանյանի ստեղածագործություններն ու քառյակները։
Ինձ ճամփորդությունը շատ դուր եկավ։